రౌడీషీటర్ల జీవనభృతికి ఉద్యోగాలు

-

 


వినూత్న రీతిలో రౌడీషీటర్లకు జాబ్ మేళా నిర్వహించిన పోలీస్ కమిషనర్

(రాజన్ – జనహృదయం)

ఏపి రాజ‌ధానిలో రౌడీయిజం త‌గ్గించేందుకు వినూత్నంగా ఆలోచించారు అక్క‌డి పోలీస్ క‌మీష‌న‌ర్‌. ఏళ్ల‌త‌ర‌బ‌డి రౌడీయిజ‌మే వృత్తిగా చ‌లామ‌నీ అవుతున్న వారిని ఎంత‌క‌ఠినంగా శిక్షించినా ఎన్నిసార్లు క‌ట‌క‌టాల వెన‌క్కి పంపినా ప్ర‌యోజ‌నం శూన్య‌మే అవుతూ మ‌ళ్లీ వారు మ‌రింత రాటుదేలుతూ నేరవృత్తి కొన‌సాగిస్తున్న‌విష‌య‌మై ప్ర‌త్యామ్నాయ మార్గాన్నిఅన్వేషించారు. ఈమేర‌కు విజ‌య‌వాడ సిపి క్రాంతిరాణా టాటా రౌడీషీట‌ర్ల‌కు ఉద్యోగాలు ఇప్పించి జీవ‌న‌పాది క‌ల్పించేందుకు చ‌ర్య‌లు చేప‌ట్టారు.
రాజ‌ధానిలో రౌడీయిజం త‌గ్గించాలంటే వారిలో మార్పుతీసుకురావ‌డంతోపాటు వారి జీవ‌నోపాధికి ప్ర‌త్యామ్నాయంగా జీవ‌న‌భృతి క‌ల్పించాల‌నే వినూత్న ఆలోచ‌నతో సిపి ఉద్యోగ‌మేళా నిర్వ‌హించ‌డం అభినంద‌నీయం. దీనికోసం నైపుణ్యాభివృద్ధి కార్పొరేష‌న్ సాయంతో రౌడీషీట‌ర్ల‌కు ఉపాధి క‌ల్పించేందుకు చ‌ర్య‌లు చేప‌ట్టారు. ఈమేర‌కు విజ‌య‌వాడ పోలీస్ క‌మీష‌న‌రేట్ మ‌రియు నైపుణ్యాభివృద్ధి కార్పొరేష‌న్ సంయుక్తంగా జాబ్‌మేళా నిర్వ‌హించారు. సుమారు 16కంపెనీల‌తో ఈ జాబ్‌మేళా నిర్వ‌హించారు. ఈ మేళాలో విజ‌య‌వాడకు చెందిన రౌడీషీట‌ర్లు అధిక సంఖ్య‌లో హాజ‌ర‌య్యారు. దీంతో విజ‌య‌వాడ‌లో భ‌విష్య‌త్ లో రౌడీయిజం త‌గ్గుముఖం ప‌డుతుంద‌ని స‌ర్వ‌త్రా హ‌ర్షం వ్య‌క్తం అవుతోంది.
ఈ సంధ‌ర్బంగా సిపి క్రాంతిరాణా టాటా మాట్లాడుతూ విజ‌య‌వాడ‌లో రౌడీ షీట‌ర్ల స‌మస్య చాలా కాలంగా ఉంద‌ని వారిలో మార్పుతీసుకువ‌చ్చేందుకు అనేక ద‌ఫాలుగా చ‌ర్చ‌లు జ‌రిపామ‌ని అయితే వారికి ప్ర‌త్యామ్నాయ జీవ‌నోపాధి లేద‌ని భావించి ఈ జాబ్‌మేళా నిర్వ‌హించి మార్పుకోసం ప్ర‌య‌త్నిస్తున్నామ‌ని చెప్పారు.

Comments

Post a Comment

Popular posts from this blog

కొత్త జిల్లాలను ప్రారంభించిన సీఎం జగన్‌

-
Image
ఏపీలో 13 నుండి  26 కు చేరిన జిల్లాల సంఖ్య  (రాజన్ - జనహృదయం ప్రతినిధి) అమరావతి:   ఏపీలో  కొత్తగా ఏర్పడిన 13 జిల్లాల ప్రారంభోత్సవాన్ని రాష్ట్ర ప్రభుత్వం అట్టహాసంగా నిర్వహించింది. సీఎం జగన్‌ అమరావతి నుంచి ఎలక్ట్రానిక్‌ బటన్‌ ద్వారా   కొత్త జిల్లాలను ప్రారంభించారు. అదే  సమయంలో   ఆయా జిల్లా కేంద్రాల్లో మంత్రులు, ఎంపీలు, ఎమ్మెల్యేలు, కొత్తగా నియమించిన జిల్లా కలెక్టర్లు, ఎస్పీలు ఈ ప్రారంభోత్సవ కార్యక్రమాల్లో పాల్గొని పరిపాలన ప్రజలకు చేరువ చేశారు. ఈ సందర్భంగా సీఎం వీడియో కాన్ఫరెన్స్ ద్వారా  మాట్లాడుతూ  రాష్ట్ర ప్రజలకు మంచి జరిగే గొప్ప శుభదినంగా సోమవారం నాటి ఈ కార్యక్రమాన్ని అభివర్ణించారు.  ఆంధ్ర ప్రదేశ్ 26 జిల్లాల రాష్ట్రంగా రూపుదిద్దుకోందని కొనియాడారు.. గతంలో  ఉన్న 13 జిల్లాల  పేర్లు, జిల్లా కేంద్రాలను అలాగే కొనసాగుతాయని,  పరిపాలనా సౌలభ్యం, వికేంద్రీకరణ అవసరం మేరకే కొత్త జిల్లాలను ఏర్పాటు చేశామని ప్రకటించారు. ప్రజలకు పరిపాలన మరింత చేరువ కావాలనే మార్పులు చేశామని . కలెక్టర్లకు అధికారంతో పాటుగా  ప్రజల పట్ల బాధ్యత పెర...
Read more

ఘనంగా ప్రారంభమైన అల్లూరి సీతారామరాజు జిల్లా

-
Image
  (రాజన్ - జనహృదయo ప్రతినిధి) పాడేరు :   విశాఖ, తూర్పు గోదావరి ఏజెన్సీ ప్రాంతాల కలయికతో ఏర్పడిన అల్లూరి సీతారామరాజు జిల్లా అట్టహాసంగా పాడేరు ప్రారంభం అయ్యింది.   నూతన జిల్లాలో భాగంగా పాడేరు కేంద్రంగా జగన్ సర్కార్ ప్రకటించిన అల్లూరి సీతారామరాజు జిల్లాను సోమవారం జిల్లా కలెక్టర్ సుమిత్ కుమార్ ప్రారంభించారు.  అట్టహాసంగా జరిగిన ఈ కార్యక్రమంలో గిరిజన ప్రాంతాలకు చెందిన ప్రజాప్రతినిధులంతా పాల్గొని నూతన కలెక్టర్ సుమిత్ కుమార్ కి స్వాగతం పలికారు.   పాడేరు, అరకువేలి, రంపచోడవరం నియోజకవర్గాల ఆధారంగా 22 మండలాలతో అల్లూరి సీతారామరాజు జిల్లా ఏర్పాటయింది. ఈ జిల్లా పరిధి 12. 251 చదరపు కిలోమీటర్లు విస్తరించి ఉంది.  ఇక ఈ జిల్లాలో జనాభా 9.7 54 లక్షల మంది నివసిస్తున్నారు.  మూడు అసెంబ్లీ సెగ్మెంట్ల పరిధిలో 2 రెవెన్యూ డివిజన్లు ఉన్నాయి.  వీటిలో ఇరవై రెండు మండలాలు ఈ జిల్లాలో చేర్చారు. అరకువేలి నియోజకవర్గానికి చెందిన అనంతగిరి, అరకువేలి, డుంబ్రిగుడ, హుకుంపేట, పెదబయలు, ముంచంగిపుట్టు మండలాలు,  పాడేరు నియోజకవర్గానికి చెందిన పాడేరు, జి.మాడుగుల, గూడెంకొత్తవీధి, చిం...
Read more
-
Image
  (రాజన్ - జనహృదయం ప్రతినిధి) రంపచోడవరం : అల్లూరి సీతారామరాజు జిల్లాలో చేర్చిన రంపచోడవరం డివిజన్ పరిధిలోని ప్రజలకు ప్రభుత్వం ఊరట కల్పించింది.  జిల్లా కేంద్రం సుమారు 200 కిలోమీటర్ల దూరంలో ఉండడం వల్ల ప్రజలు ఎటువంటి ఇబ్బందులు ఎదుర్కోకుండా ఉన్నతాధికార యంత్రాంగం ఆ ప్రాంత ప్రజలకు ఊరట కల్పించింది.  జిల్లా కేంద్రం పాడేరు లో ఉండే జిల్లా కలెక్టర్ ప్రతి వారంలో రెండు రోజుల పాటు రంపచోడవరం డివిజన్ హెడ్ కోటర్ లో ఉండేవిధంగా గా ప్రభుత్వం ఆదేశాలు జారీ చేసింది. ఈ మేరకు అల్లూరి సీతారామరాజు జిల్లాకు సంబంధించిన జిల్లా యంత్రాంగం  వారంలో రెండు రోజుల పాటు రంపచోడవరం డివిజన్ ప్రాంత ప్రజలకు అందుబాటులో ఉండి సేవలు అందిస్తారని ప్రణాళిక శాఖ ముఖ్య కార్యదర్శి విజయ్ కుమార్ ఓ ప్రకటనలో తెలియజేశారు. దీంతో రంపచోడవరం డివిజన్ లోని ఎటపాక, కూనవరం, వార రామచంద్రపురం తో పాటు మారేడుమిల్లి. దేవిపట్నం, చింతూరు  తదితర ప్రాంతాల ప్రజలంతా జిల్లాకు సంబంధించిన పనులన్నిటికీ రంపచోడవరం లోనే జిల్లా యంత్రాంగాన్ని కలుసుకునే దిశగా చర్యలు చేపట్టనున్నారు.   వాస్తవానికి జిల్లా కేంద్రం పాడేరు లో ఉన్నప్పటికీ రంపచోడవర...
Read more