గంటకు 10 వేల కేసులు, 60 మరణాలు

 

డిల్లి :  దేశంలో కరోనా సెకండ్ వేవ్ విలయతాండవం చేస్తోంది.  ఈ నెల 19 న 2,73,810  పాజిటివ్కేసులు నమోదవగా  మరణాలు 1619 సంభవించాయి.  సోమవారానికి సగటున గంటకు 11,408 కేసులు, 67 మరణాలు నమోదయ్యాయి.  గత ఆదివారం నుంచి దేశంలో గంటకు 10 వేల కేసులు, 60 మరణాలు నమోదవుతున్నట్లు కేంద్ర ఆరోగ్య శాఖ విడుదల చేసిన వివరాల ప్రకారం స్పష్టమవుతోంది.  ఈ నెల 1న సగటున గంటకు 3,013 కేసులు, 19 మరణాలు నమోదయ్యా యి.   ఆ రోజు మొత్తం 72,330 కేసులు, 459 మరణాలు నమోదయ్యా యి.  అయితే  ఏప్రిల్ 18 నాటికి (గత ఆదివారం) ఈ సంఖ్య సగటున గంటకు 10,895 కేసులు, 62 మరణాలకు చేరడం తీవ్ర భయాందోళనకు గురిచేస్తోంది.  ఈ నెల18 న దేశవ్యాప్తంగా 2,61,500 కేసులు, 1501 మరణాలు నమోదైనట్లు ఆరోగ్య శాఖ గణాంకాలు చెబుతున్నాయి.