ఏపిలో ఆందోళన కలిగిస్తున్న కరోనా...

విజయవాడ, జూన్ 17: ఏపీలో కరోనా మహమ్మారి ఉదృతం అవుతోంది. రోజు, రోజుకు పెరుగుతున్న కొత్త కేసులు ఆందోళన కలిగిస్తున్నాయి. రాష్ట్రంలో వైరస్ ప్రభావం ఏమాత్రం తగ్గడం లేదు.. గడిచిన 24 గంటల్లో రాష్ట్రవ్యాప్తంగా 15,188 శాంపిల్స్ పరిశీలిస్తే 275మందికి కరోనా పాజిటివ్ గా తేలినట్లు మీడియా బులిటెన్లో వైద్య ఆరోగ్యశాఖ పేర్కొంది. ఇతర విదేశాల నుంచి (26) వచ్చిన వారి కేసులతో కలిపి మొత్తం 351 కేసులు నమోదయ్యాయి. కొద్దిరోజులుగా జిల్లాల వారీగా కేసుల వివరాలను ప్రభుత్వం తెలియజేయలేదు. తాజా కేసులు కలిపితే రా(ష్టానికి సంబంధించిన కేసులు 5555కు (మొత్తం 5636కు) చేరాయి. మరో 55మంది వైరస్ నుంచి కోలుకొని సంపూర్ణ ఆరోగ్యంతో డిశ్చార్జ్ కాగా.. రాష్ట్రంలో యాక్టివ్ కేసుల సంఖ్య 2559కు చేరింది. రాష్ట్రవ్యాప్తంగా కర్నూలు జిల్లాలో వెయ్యికి పైగా కేసులు నమోదయ్యాయి. తర్వాత గుంటూరు జిల్లాలో 500కు పైగా కేసులు ఉన్నాయి. రాష్ట్రవ్యాప్తంగా ఇప్పటి వరకు 2906మందికి నెగిటివ్ రావడంతో వారిని ఆస్పత్రుల నుంచి డిశ్చార్జ్ చేశారు. రాష్ట్రవ్యాప్తంగా కరోనాతో మొత్తం 90మంది చనిపోయారు. గత 24 గంటల్లో కోవిడ్ వల్ల కర్నూలు జిల్లా, గుంటూరు జిల్లాల్లో ఒక్కొక్కరు చొప్పున చనిపోయారు. తాజాగా నమోదవుతున్న కరోనా కేసుల్లో ఇతర ర్యాష్టాలు, విదేశాల నుంచి వచ్చిన వారు ఎక్కువమంది ఉన్నారు. రాష్ట్రంలో కొత్త నమోదైన పాజిటివ్ కేసుల్లో ఇతర రా(ష్టాలకు సంబంధించిన కమ్యులేటివ్ పాజిటివ్ కేసులు 1253(వీటిలో యాక్టివ్ కేసులు 562) ఉన్నాయని ప్రకటించారు. అలాగే విదేశాల నుంచి వచ్చిన 263మందికి వైరస్ సోకినట్లు తెలియజేశారు. ఇతర రా(ష్టాలు విదేశాల నుంచి వచ్చిన వారితో ఆందోళన పెరుగుతోంది. పాజిటివ్ కేసుల సంఖ్య రోజు రోజుకు పెరగడం ఆం కేసుల సంఖ్య రోజు రోజుకు పెరగడం ఆందోళన కలిగిస్తోంది. ప్రజలు ఎవరికీ వారు జాగ్రత్త పడుతూ తమ దైనందిన కార్యక్రమాలలో ముందుకు సాగాలసిన అవసరం ఉంది