మానసిక ఆస్పత్రిలో చికిత్స పొందుతున్న డాక్టర్ సుధాకర్...

-


విశాఖపట్నం (జనహృదయం): ఉద్యోగం లేదన్న బాధ తో మతిస్థిమితం కోల్పోయిన దురుసుగా  ప్రవర్తించిన సుధాకర్ ని పోలీసులు అదుపులోకి తీసుకొని విశాఖ మానసిక వైద్యశాలలో జాయిన్ చేశారు అక్కడి వైద్యులు డాక్టర్ సుధాకర్ కి వైద్య సేవలు అందిస్తున్నారు. శనివారం విశాఖ నగరంలో జాతీయ రహదారిపై ఉద్యోగం లేదని ఆక్రోశంతో ప్రభుత్వ యంత్రాంగంపై దుర్భాషలాడి దయనీయ పరిస్థితిలో పోలీసులు తీసుకెళ్లిన వైనం బాధాకరమైనప్పటికీ సుధాకర్ ప్రవర్తన తీరు సరైనది కాదనే విమర్శలు వెల్లువెత్తుతున్నాయి. నడిరోడ్డుపై సుధాకర్ ప్రవర్తనా తీరు విషమించడంతో స్థానికులు అతన్ని తాళ్లతో కట్టి పోలీసులకు అప్పగించారని విశాఖ పోలీస్ కమిషనర్ ఆర్కే మీనా పేర్కొన్నారు.


వృత్తిరీత్యా డాక్టర్, గెజిటెడ్ హోదా కలిగిన సుధాకర్ను చేతులు వెనక్కు పెట్టి తాళ్లతో నిర్బంధించి మోకాళ్లపై ఆటోలో తీసుకెళ్లిన ఘటనపై ఇప్పటికే కానిస్టేబుల్ను పోలీసు ఉన్నతాధికారులు సస్పెండ్ చేశారు.  కాగా మతిభ్రమించి ప్రజా ప్రతినిధులు, ముఖ్యమంత్రి, మంత్రులను దుర్భాషలాడటం సరైన పద్ధతి కాదని తీవ్రస్థాయిలో విమర్శలు వస్తున్నాయి. అన్యాయంగా విధుల నుంచి తొలగించడంతో మానసిక స్థైర్యం కోల్పోయిన సుధాకర్ ఈ విధంగా ప్రవర్తించడానికి ప్రభుత్వమే కారణమని కొన్ని వర్గాలు ధ్వజమెత్తుతున్నాయి.


కాగా పోలీసులు అదుపులోకి తీసుకున్న సుధాకర్ని కేజిహెచ్ వైద్యుల సూచనల మేరకు మానసిక ఆసుపత్రికి తరలించి వైద్య సేవలు అందిస్తున్నారు. ఈ ఘటనతో వైద్యాధికారి సుధాకర్ ని పరామర్శించేందుకు వెళ్లిన వారితో ఆయన మాట్లాడుతూ తన ఉద్యోగాన్ని ఇప్పించాలంటూ వేడుకుంటున్నారు.


Comments

Post a Comment

Popular posts from this blog

కొత్త జిల్లాలను ప్రారంభించిన సీఎం జగన్‌

-
Image
ఏపీలో 13 నుండి  26 కు చేరిన జిల్లాల సంఖ్య  (రాజన్ - జనహృదయం ప్రతినిధి) అమరావతి:   ఏపీలో  కొత్తగా ఏర్పడిన 13 జిల్లాల ప్రారంభోత్సవాన్ని రాష్ట్ర ప్రభుత్వం అట్టహాసంగా నిర్వహించింది. సీఎం జగన్‌ అమరావతి నుంచి ఎలక్ట్రానిక్‌ బటన్‌ ద్వారా   కొత్త జిల్లాలను ప్రారంభించారు. అదే  సమయంలో   ఆయా జిల్లా కేంద్రాల్లో మంత్రులు, ఎంపీలు, ఎమ్మెల్యేలు, కొత్తగా నియమించిన జిల్లా కలెక్టర్లు, ఎస్పీలు ఈ ప్రారంభోత్సవ కార్యక్రమాల్లో పాల్గొని పరిపాలన ప్రజలకు చేరువ చేశారు. ఈ సందర్భంగా సీఎం వీడియో కాన్ఫరెన్స్ ద్వారా  మాట్లాడుతూ  రాష్ట్ర ప్రజలకు మంచి జరిగే గొప్ప శుభదినంగా సోమవారం నాటి ఈ కార్యక్రమాన్ని అభివర్ణించారు.  ఆంధ్ర ప్రదేశ్ 26 జిల్లాల రాష్ట్రంగా రూపుదిద్దుకోందని కొనియాడారు.. గతంలో  ఉన్న 13 జిల్లాల  పేర్లు, జిల్లా కేంద్రాలను అలాగే కొనసాగుతాయని,  పరిపాలనా సౌలభ్యం, వికేంద్రీకరణ అవసరం మేరకే కొత్త జిల్లాలను ఏర్పాటు చేశామని ప్రకటించారు. ప్రజలకు పరిపాలన మరింత చేరువ కావాలనే మార్పులు చేశామని . కలెక్టర్లకు అధికారంతో పాటుగా  ప్రజల పట్ల బాధ్యత పెర...
Read more

ఘనంగా ప్రారంభమైన అల్లూరి సీతారామరాజు జిల్లా

-
Image
  (రాజన్ - జనహృదయo ప్రతినిధి) పాడేరు :   విశాఖ, తూర్పు గోదావరి ఏజెన్సీ ప్రాంతాల కలయికతో ఏర్పడిన అల్లూరి సీతారామరాజు జిల్లా అట్టహాసంగా పాడేరు ప్రారంభం అయ్యింది.   నూతన జిల్లాలో భాగంగా పాడేరు కేంద్రంగా జగన్ సర్కార్ ప్రకటించిన అల్లూరి సీతారామరాజు జిల్లాను సోమవారం జిల్లా కలెక్టర్ సుమిత్ కుమార్ ప్రారంభించారు.  అట్టహాసంగా జరిగిన ఈ కార్యక్రమంలో గిరిజన ప్రాంతాలకు చెందిన ప్రజాప్రతినిధులంతా పాల్గొని నూతన కలెక్టర్ సుమిత్ కుమార్ కి స్వాగతం పలికారు.   పాడేరు, అరకువేలి, రంపచోడవరం నియోజకవర్గాల ఆధారంగా 22 మండలాలతో అల్లూరి సీతారామరాజు జిల్లా ఏర్పాటయింది. ఈ జిల్లా పరిధి 12. 251 చదరపు కిలోమీటర్లు విస్తరించి ఉంది.  ఇక ఈ జిల్లాలో జనాభా 9.7 54 లక్షల మంది నివసిస్తున్నారు.  మూడు అసెంబ్లీ సెగ్మెంట్ల పరిధిలో 2 రెవెన్యూ డివిజన్లు ఉన్నాయి.  వీటిలో ఇరవై రెండు మండలాలు ఈ జిల్లాలో చేర్చారు. అరకువేలి నియోజకవర్గానికి చెందిన అనంతగిరి, అరకువేలి, డుంబ్రిగుడ, హుకుంపేట, పెదబయలు, ముంచంగిపుట్టు మండలాలు,  పాడేరు నియోజకవర్గానికి చెందిన పాడేరు, జి.మాడుగుల, గూడెంకొత్తవీధి, చిం...
Read more
-
Image
  (రాజన్ - జనహృదయం ప్రతినిధి) రంపచోడవరం : అల్లూరి సీతారామరాజు జిల్లాలో చేర్చిన రంపచోడవరం డివిజన్ పరిధిలోని ప్రజలకు ప్రభుత్వం ఊరట కల్పించింది.  జిల్లా కేంద్రం సుమారు 200 కిలోమీటర్ల దూరంలో ఉండడం వల్ల ప్రజలు ఎటువంటి ఇబ్బందులు ఎదుర్కోకుండా ఉన్నతాధికార యంత్రాంగం ఆ ప్రాంత ప్రజలకు ఊరట కల్పించింది.  జిల్లా కేంద్రం పాడేరు లో ఉండే జిల్లా కలెక్టర్ ప్రతి వారంలో రెండు రోజుల పాటు రంపచోడవరం డివిజన్ హెడ్ కోటర్ లో ఉండేవిధంగా గా ప్రభుత్వం ఆదేశాలు జారీ చేసింది. ఈ మేరకు అల్లూరి సీతారామరాజు జిల్లాకు సంబంధించిన జిల్లా యంత్రాంగం  వారంలో రెండు రోజుల పాటు రంపచోడవరం డివిజన్ ప్రాంత ప్రజలకు అందుబాటులో ఉండి సేవలు అందిస్తారని ప్రణాళిక శాఖ ముఖ్య కార్యదర్శి విజయ్ కుమార్ ఓ ప్రకటనలో తెలియజేశారు. దీంతో రంపచోడవరం డివిజన్ లోని ఎటపాక, కూనవరం, వార రామచంద్రపురం తో పాటు మారేడుమిల్లి. దేవిపట్నం, చింతూరు  తదితర ప్రాంతాల ప్రజలంతా జిల్లాకు సంబంధించిన పనులన్నిటికీ రంపచోడవరం లోనే జిల్లా యంత్రాంగాన్ని కలుసుకునే దిశగా చర్యలు చేపట్టనున్నారు.   వాస్తవానికి జిల్లా కేంద్రం పాడేరు లో ఉన్నప్పటికీ రంపచోడవర...
Read more