ఏపీలో 1259 కి చేరిన కరోనా కేసులు

అమరావతి:  ఏపీలో రోజు రోజుకి  కరోనా పాజిటివ్ కేసులు పెరుగుతున్నాయి. గడచిన 24 గంటల్లో 5783 మంది నుంచి శాంపిళ్లను సేకరించిి పరీక్షలు వారిలో 82 మందికి కరోనా పాజిటివ్ వచ్చింది. ఈ మేరకు తాజా హెల్త్ బులిటెన్  ఏపీ వైద్య ఆరోగ్య శాఖ  విడుదల చేసింది. దీంతో రాష్ట్రంలో పాజిటివ్ కేసుల సంఖ్య 1259 కి చేరింది.

కొత్తగా నమోదైన 82కేసుల్లో కర్నూల్ లో 40,గుంటూరు 17, కృష్ణా 13, కడప 7, నెల్లూరు 3, అనంతపురంలో 1, చిత్తూర్ లో 1 పాజిటివ్ కేసులు నమోదు అయ్యాయి. ప్రస్తుతం రాష్ట్రంలో అత్యధికంగా కర్నూలు జిల్లాలో 332 కేసులు, గుంటూరు 254,కృష్ణా జిల్లాలో 223 కేసులు నమోదు కాగాకరోనా పాజిటివ్ తో 258 మంది రోగులు కోలుకుని ఆసుప‌త్రి నుంచి డిశ్చార్జ్‌ అయ్యారు. వివిధ ఆసుపత్రుల్లో 970 మందికి చికిత్స కొనసాగుతోంది.