పేదలందరికీ 'వైఎస్సార్‌ ఆరోగ్యశ్రీ’... సీఎం జగన్

-


వైఎస్సార్‌ ఆరోగ్యశ్రీ' పైలట్‌ ప్రాజెక్టుకు  శ్రీకారం...


ఏలూరు : వైద్యం పేదలందరికీ చేరువచేయాలన్న  సంకల్పంతో 'వైఎస్సార్‌ ఆరోగ్యశ్రీ' పథకాన్ని ప్రవేశపెడుతున్నట్లు ముఖ్యమంత్రి జగన్మోహన్  రెడ్డి  అన్నారు. పేద ప్రజలకు ఉచిత వైద్యం అందించే ఆరోగ్యశ్రీ పథకం తనకు ఎంతో సంతృప్తికరమైనదిగా   ఆయన పేర్కొన్నారు. 'వైఎస్సార్‌ ఆరోగ్యశ్రీ' పైలట్‌ ప్రాజెక్టుకు సీఎం జగన్‌ పశ్చిమ గోదావరి జిల్లాలో శ్రీకారం చుట్టారు. ఏలూరు ఇండోర్‌ స్టేడియంలో ఈ ప్రాజెక్టును ఆయన శుక్రవారం ప్రారంభించారు. ఈ సందర్భంగా  సీఎం జగన్‌  అక్కడ ఏర్పాటు చేసిన బహిరంగ సభలోమాట్లాడారు.  నూతన సంవత్సరంలో తమ ప్రభుత్వం  ఆర్టీసీని  ప్రభుత్వంలో విలీనం చేయగా  రెండో సంక్షేమ పధకం ఆరోగ్య శ్రీ అనిచెప్పారు.  దీని ద్వారా రాష్ట్ర చరిత్రలో మరో కొత్త అధ్యాయానికి ప్రభుత్వం శ్రీకారం చుట్టిందని సీఎం ప్రకటించారు. వైద్య రంగంలో విప్లవాత్మక మార్పులు తీసుకువచ్చే విధంగా దివంగత ముఖ్యమంత్రి 'వైఎస్సార్‌' ఆరోగ్య శ్రీ పథకాన్ని ప్రవేశపెట్టారని, ప్రస్తుతం 1059 రోగాలకు మాత్రమే ఆరోగ్యశ్రీ వర్తిస్తోందని, ఆ సంఖ్యను 2059 రోగాలకు వర్తించే విధంగా  ఈ పథకానికి  రూపకల్పన చేశామన్నారు. ఫిబ్రవరి మొదటి వారం నుంచి క్యాన్సర్‌ రోగులకు ఒక్క రూపాయి కూడా ఖర్చు లేకుండా ఆరోగ్య శ్రీ ద్వారా ఉచిత చికిత్స అందిస్తామని సీఎంస్పష్టం చేశారు. 


'పాదయాత్రలో ప్రజల కష్టాలను  గుర్తించి   అప్పులు చేయకుంఅడా వైద్యం ఎలా అందించాలో ఆలోచించా. దానిలో నుంచి పుట్టిందే వైఎస్సార్‌ ఆరోగ్య శ్రీ పథకం విస్తరణ అన్నారు.  ఏప్రిల్‌ నుంచి ప్రతినెల ఒక్కో జిల్లాలో 2029 వ్యాధులకు చికిత్స విస్తరణ జరుపుతాం. పాదయాత్రలో ఇచ్చిన హామీకి కట్టుబడి ఉన్నా. నాడు చెప్పిన మాట ప్రకారం రూ.వెయ్యి దాటితో ఆరోగ్య శ్రీ వర్తింపచేస్తాం. రూ.ఐదు లక్షల ఆదాయంలోపు వారు ఆరోగ్య శ్రీ పరిధిలోకి తీసుకువస్తాం. అర్హలైన వారందరికీ ఆరోగ్య శ్రీ కార్డులు అందిస్తాం. రాష్ట్ర వ్యాప్తంగా కోటీ 42 లక్షల కార్డులను పంపిణీ చేస్తాం. వాటికి క్యూఆర్‌ నెంబర్లు కూడా జారీచేస్తాం. సచివాలయాల ద్వారా గ్రామాల్లో కార్డులను పంపిణీ చేస్తాం. ప్రతి 350 ఇళ్లకు ఆశా వర్కర్‌ను అటాచ్‌ చేస్తాం. పాదయాత్రలో ఇచ్చిన హామీ మేరకు అధికారంలోకి వచ్చిన ఏడు నెలల్లోపే ఇచ్చిన మాట నెలబెట్టుకున్నాం. హైదరాబాద్‌, బెంగళూరు, చెన్నై నగరాల్లో 150 సూపర్‌ స్పెషాలిటీ ఆస్పత్రులను ఆరోగ్య నెట్‌వర్క్‌లో చేరుస్తాం. ఆపరేషన్‌ చేయించుకున్నాక విశ్రాంతి సమయంలో, రోజుకు రూ.225 లేదా నెలకు రూ.5వేలు ఆర్థిక సహాయం అందిస్తామని సీఎం పేర్కొన్నారు. 


Comments

Post a Comment

Popular posts from this blog

కొత్త జిల్లాలను ప్రారంభించిన సీఎం జగన్‌

-
Image
ఏపీలో 13 నుండి  26 కు చేరిన జిల్లాల సంఖ్య  (రాజన్ - జనహృదయం ప్రతినిధి) అమరావతి:   ఏపీలో  కొత్తగా ఏర్పడిన 13 జిల్లాల ప్రారంభోత్సవాన్ని రాష్ట్ర ప్రభుత్వం అట్టహాసంగా నిర్వహించింది. సీఎం జగన్‌ అమరావతి నుంచి ఎలక్ట్రానిక్‌ బటన్‌ ద్వారా   కొత్త జిల్లాలను ప్రారంభించారు. అదే  సమయంలో   ఆయా జిల్లా కేంద్రాల్లో మంత్రులు, ఎంపీలు, ఎమ్మెల్యేలు, కొత్తగా నియమించిన జిల్లా కలెక్టర్లు, ఎస్పీలు ఈ ప్రారంభోత్సవ కార్యక్రమాల్లో పాల్గొని పరిపాలన ప్రజలకు చేరువ చేశారు. ఈ సందర్భంగా సీఎం వీడియో కాన్ఫరెన్స్ ద్వారా  మాట్లాడుతూ  రాష్ట్ర ప్రజలకు మంచి జరిగే గొప్ప శుభదినంగా సోమవారం నాటి ఈ కార్యక్రమాన్ని అభివర్ణించారు.  ఆంధ్ర ప్రదేశ్ 26 జిల్లాల రాష్ట్రంగా రూపుదిద్దుకోందని కొనియాడారు.. గతంలో  ఉన్న 13 జిల్లాల  పేర్లు, జిల్లా కేంద్రాలను అలాగే కొనసాగుతాయని,  పరిపాలనా సౌలభ్యం, వికేంద్రీకరణ అవసరం మేరకే కొత్త జిల్లాలను ఏర్పాటు చేశామని ప్రకటించారు. ప్రజలకు పరిపాలన మరింత చేరువ కావాలనే మార్పులు చేశామని . కలెక్టర్లకు అధికారంతో పాటుగా  ప్రజల పట్ల బాధ్యత పెర...
Read more

ఘనంగా ప్రారంభమైన అల్లూరి సీతారామరాజు జిల్లా

-
Image
  (రాజన్ - జనహృదయo ప్రతినిధి) పాడేరు :   విశాఖ, తూర్పు గోదావరి ఏజెన్సీ ప్రాంతాల కలయికతో ఏర్పడిన అల్లూరి సీతారామరాజు జిల్లా అట్టహాసంగా పాడేరు ప్రారంభం అయ్యింది.   నూతన జిల్లాలో భాగంగా పాడేరు కేంద్రంగా జగన్ సర్కార్ ప్రకటించిన అల్లూరి సీతారామరాజు జిల్లాను సోమవారం జిల్లా కలెక్టర్ సుమిత్ కుమార్ ప్రారంభించారు.  అట్టహాసంగా జరిగిన ఈ కార్యక్రమంలో గిరిజన ప్రాంతాలకు చెందిన ప్రజాప్రతినిధులంతా పాల్గొని నూతన కలెక్టర్ సుమిత్ కుమార్ కి స్వాగతం పలికారు.   పాడేరు, అరకువేలి, రంపచోడవరం నియోజకవర్గాల ఆధారంగా 22 మండలాలతో అల్లూరి సీతారామరాజు జిల్లా ఏర్పాటయింది. ఈ జిల్లా పరిధి 12. 251 చదరపు కిలోమీటర్లు విస్తరించి ఉంది.  ఇక ఈ జిల్లాలో జనాభా 9.7 54 లక్షల మంది నివసిస్తున్నారు.  మూడు అసెంబ్లీ సెగ్మెంట్ల పరిధిలో 2 రెవెన్యూ డివిజన్లు ఉన్నాయి.  వీటిలో ఇరవై రెండు మండలాలు ఈ జిల్లాలో చేర్చారు. అరకువేలి నియోజకవర్గానికి చెందిన అనంతగిరి, అరకువేలి, డుంబ్రిగుడ, హుకుంపేట, పెదబయలు, ముంచంగిపుట్టు మండలాలు,  పాడేరు నియోజకవర్గానికి చెందిన పాడేరు, జి.మాడుగుల, గూడెంకొత్తవీధి, చిం...
Read more
-
Image
  (రాజన్ - జనహృదయం ప్రతినిధి) రంపచోడవరం : అల్లూరి సీతారామరాజు జిల్లాలో చేర్చిన రంపచోడవరం డివిజన్ పరిధిలోని ప్రజలకు ప్రభుత్వం ఊరట కల్పించింది.  జిల్లా కేంద్రం సుమారు 200 కిలోమీటర్ల దూరంలో ఉండడం వల్ల ప్రజలు ఎటువంటి ఇబ్బందులు ఎదుర్కోకుండా ఉన్నతాధికార యంత్రాంగం ఆ ప్రాంత ప్రజలకు ఊరట కల్పించింది.  జిల్లా కేంద్రం పాడేరు లో ఉండే జిల్లా కలెక్టర్ ప్రతి వారంలో రెండు రోజుల పాటు రంపచోడవరం డివిజన్ హెడ్ కోటర్ లో ఉండేవిధంగా గా ప్రభుత్వం ఆదేశాలు జారీ చేసింది. ఈ మేరకు అల్లూరి సీతారామరాజు జిల్లాకు సంబంధించిన జిల్లా యంత్రాంగం  వారంలో రెండు రోజుల పాటు రంపచోడవరం డివిజన్ ప్రాంత ప్రజలకు అందుబాటులో ఉండి సేవలు అందిస్తారని ప్రణాళిక శాఖ ముఖ్య కార్యదర్శి విజయ్ కుమార్ ఓ ప్రకటనలో తెలియజేశారు. దీంతో రంపచోడవరం డివిజన్ లోని ఎటపాక, కూనవరం, వార రామచంద్రపురం తో పాటు మారేడుమిల్లి. దేవిపట్నం, చింతూరు  తదితర ప్రాంతాల ప్రజలంతా జిల్లాకు సంబంధించిన పనులన్నిటికీ రంపచోడవరం లోనే జిల్లా యంత్రాంగాన్ని కలుసుకునే దిశగా చర్యలు చేపట్టనున్నారు.   వాస్తవానికి జిల్లా కేంద్రం పాడేరు లో ఉన్నప్పటికీ రంపచోడవర...
Read more