అంటార జిల్లా దొంగఅరెస్ట్ ... భారీగా చోరీ సొత్తు స్వాధీనం ...

-

 
అనకాపల్లి : అంతర జిల్లా దొంగల ముఠాను అరెస్ట్ చేసి భారీ ఎత్తున చోరీ సొత్తు పోలీసులు స్వాధీనం  చేస్తుకున్నారు. మూడు జిల్లాల్లో చోరీలకు పాల్పడుతూ పోలీసులకు సవాలుగా నిలిచిన ఈ ముఠా అరెస్ట్ తో సంక్రాంతి కి తాళాలు వేసే ఇళ్లకు కొంత భరోసా కలిగినట్లైంది .   విశాఖ, విజయనగరం, తూర్పుగోదావరి జిల్లాల్లో చోరీ చేసిన దాదాపు 2700 గ్రాముల బంగారం, నాలుగు కిలోల వెండిని సీజ్‌ చేసి, ముగ్గురు నిందితులను అరెస్టు చేశారు. ఈమేరకు  విశాఖ జిల్లా అడిషినల్‌ ఎస్పీ (క్రైమ్‌) బి.అచ్యుతరావు పోలీసు అందించిన వివరాలిలావున్నాయి.


 విశాఖ సిటీ పరిధి (అగనంపూడికి ) చెందిన ఆటో డ్రైవర్‌ తాటిపూడి శంకర్‌ (40), సబ్బవరం మండలం పైడివాడకు చెందిన శెట్టి అప్పలరాజు (40), తూర్పుగోదావరి జిల్లా కత్తిపూడికి చెందిన శెట్టి ప్రసాద్‌ (30) కలిసి మూడు జిల్లాల్లో దొంగతనాలు చేశారని అడిషనల్‌ ఎస్పీ చెప్పారు. చెల్లా రామ్మోహన్‌రెడ్డి, బి.బాబారావు విశాఖనగరంతో పాటు గ్రామీణ ప్రాంతాలు, విజయనగరం, తూర్పుగోదావరి జిల్లాల్లోని 46 ఇళ్లల్లో చోరీలకు పాల్పడ్డారన్నారు. అనకాపల్లి పట్టణ పరిధిలో తొమ్మిది చోట్ల, గ్రామీణ ప్రాంతాల్లో తొమ్మిది చోట్ల, ఎలమంచిలి సర్కిల్‌ పరిధిలో మూడు చోట్ల, చోడవరం సర్కిల్‌ పరిధిలో మూడు చోట్ల, నక్కపల్లి సర్కిల్‌ పరిధిలో ఏడు చోట్ల, నర్సీపట్నం రూరల్‌ పరిధిలో మూడు చోట్ల, కె.కోటపాడు పరిధిలో ఒక చోట చోరీలకు పాల్పడ్డారన్నారు.
 


 విజయనగరం జిల్లా పరిధిలో నాలుగు చోట్ల, విశాఖనగర పరిధిలో ఆరు చోట్ల, తూర్పుగోదావరి జిల్లాలో రెండు చోట్ల చోరీలకు పాల్పడ్డారని చెప్పారు. అప్పలరాజు, శంకర్‌లను కశింకోట పీఏసీఎస్‌ భవనం వద్ద అరెస్టు చేయగా, వారి సహకారంతో తూర్పుగోదావరి జిల్లా కత్తిపూడిలోని శెట్టి ప్రసాద్‌ను అదుపులోకి తీసుకోవడం జరిగిందని అడిషనల్‌ ఎస్పీచెప్పారు.  వీరు మరో పాత నేరస్తుడు బొద్దపు బాబూరావు, చెల్లా రామ్మోహన్‌రెడ్డి చోరీలకు పాల్పడ్డారన్నారు. రామ్మోహన్‌రెడ్డిని చింతపల్లి పోలీసులు ఇప్పటికే అరెస్టు చేశారని చెప్పారు. ఈ చోరీ కేసులో ప్రధాన నిందితుడుగా భావిస్తున్న బొద్దపు బాబూరావు ఇటీవల కాలంలో చింతపల్లిలో హత్యకు గురైనట్టుగురయ్యాడన్నారు. కాగా మూడు జిల్లాల్లో జరిగిన చోరీ కేసుల్లో భారీగా బంగారం, వెండి అపహరణకు గురైనప్పటికీ వారి నుంచి 2700 గ్రాముల బంగారం, నాలుగు కిలోల వెండిని స్వాధీనం చేసుకున్నామన్నారు. 
 
తాటిపూడి శంకర్‌పై విశాఖపట్నంనగరంలోని నాలుగు, రాజమండ్రిలో మూడు దొంగతనం కేసులు ఉన్నాయన్నారు. శెట్టి అప్పలరాజుపై సామర్లకోట, కొత్తవలస, వల్లంపూడి స్టేషన్‌ల్లో చోరీ కేసులు ఉన్నాయన్నారు. చెల్లా రామ్మోహన్‌రెడ్డి, బొద్దపు బాబూరావులపై తొమ్మిది కేసులు ఉన్నాయని ఆయన తెలిపారు. నిందితులను పట్టుకోవడంలో అనకాపల్లి రూరల్‌ సీఐ పీవీవీ నరసింహరావు, అనకాపల్లి సీసీఎస్‌ సీఐ మళ్ల మహేష్‌, అనకాపల్లి రూరల్‌ సీఐ పరిధిలోని క్రైమ్‌ విభాగం ఎస్‌ఐ రమణ, నక్కపల్లి సీఐ విజయ్‌కుమార్‌ చొరవ చూపారని వారిని  అభినందించారు. ఈ సమావేశంలో కాకినాడ సీసీఎస్‌ డీఎస్పీ వి.భీమారావు, జిల్లాలోని సీఐలు పీవీవీ నరసింహరావు, ఎల్‌.భాస్కరరావు, ఎన్‌.సన్యాసినాయుడు, విజయ్‌కుమార్‌, పిఠాపురం సీఐ అప్పారావు, ఎస్‌ఐలు పాల్గొన్నారు.


Comments

Post a Comment

Popular posts from this blog

కొత్త జిల్లాలను ప్రారంభించిన సీఎం జగన్‌

-
Image
ఏపీలో 13 నుండి  26 కు చేరిన జిల్లాల సంఖ్య  (రాజన్ - జనహృదయం ప్రతినిధి) అమరావతి:   ఏపీలో  కొత్తగా ఏర్పడిన 13 జిల్లాల ప్రారంభోత్సవాన్ని రాష్ట్ర ప్రభుత్వం అట్టహాసంగా నిర్వహించింది. సీఎం జగన్‌ అమరావతి నుంచి ఎలక్ట్రానిక్‌ బటన్‌ ద్వారా   కొత్త జిల్లాలను ప్రారంభించారు. అదే  సమయంలో   ఆయా జిల్లా కేంద్రాల్లో మంత్రులు, ఎంపీలు, ఎమ్మెల్యేలు, కొత్తగా నియమించిన జిల్లా కలెక్టర్లు, ఎస్పీలు ఈ ప్రారంభోత్సవ కార్యక్రమాల్లో పాల్గొని పరిపాలన ప్రజలకు చేరువ చేశారు. ఈ సందర్భంగా సీఎం వీడియో కాన్ఫరెన్స్ ద్వారా  మాట్లాడుతూ  రాష్ట్ర ప్రజలకు మంచి జరిగే గొప్ప శుభదినంగా సోమవారం నాటి ఈ కార్యక్రమాన్ని అభివర్ణించారు.  ఆంధ్ర ప్రదేశ్ 26 జిల్లాల రాష్ట్రంగా రూపుదిద్దుకోందని కొనియాడారు.. గతంలో  ఉన్న 13 జిల్లాల  పేర్లు, జిల్లా కేంద్రాలను అలాగే కొనసాగుతాయని,  పరిపాలనా సౌలభ్యం, వికేంద్రీకరణ అవసరం మేరకే కొత్త జిల్లాలను ఏర్పాటు చేశామని ప్రకటించారు. ప్రజలకు పరిపాలన మరింత చేరువ కావాలనే మార్పులు చేశామని . కలెక్టర్లకు అధికారంతో పాటుగా  ప్రజల పట్ల బాధ్యత పెర...
Read more

ఘనంగా ప్రారంభమైన అల్లూరి సీతారామరాజు జిల్లా

-
Image
  (రాజన్ - జనహృదయo ప్రతినిధి) పాడేరు :   విశాఖ, తూర్పు గోదావరి ఏజెన్సీ ప్రాంతాల కలయికతో ఏర్పడిన అల్లూరి సీతారామరాజు జిల్లా అట్టహాసంగా పాడేరు ప్రారంభం అయ్యింది.   నూతన జిల్లాలో భాగంగా పాడేరు కేంద్రంగా జగన్ సర్కార్ ప్రకటించిన అల్లూరి సీతారామరాజు జిల్లాను సోమవారం జిల్లా కలెక్టర్ సుమిత్ కుమార్ ప్రారంభించారు.  అట్టహాసంగా జరిగిన ఈ కార్యక్రమంలో గిరిజన ప్రాంతాలకు చెందిన ప్రజాప్రతినిధులంతా పాల్గొని నూతన కలెక్టర్ సుమిత్ కుమార్ కి స్వాగతం పలికారు.   పాడేరు, అరకువేలి, రంపచోడవరం నియోజకవర్గాల ఆధారంగా 22 మండలాలతో అల్లూరి సీతారామరాజు జిల్లా ఏర్పాటయింది. ఈ జిల్లా పరిధి 12. 251 చదరపు కిలోమీటర్లు విస్తరించి ఉంది.  ఇక ఈ జిల్లాలో జనాభా 9.7 54 లక్షల మంది నివసిస్తున్నారు.  మూడు అసెంబ్లీ సెగ్మెంట్ల పరిధిలో 2 రెవెన్యూ డివిజన్లు ఉన్నాయి.  వీటిలో ఇరవై రెండు మండలాలు ఈ జిల్లాలో చేర్చారు. అరకువేలి నియోజకవర్గానికి చెందిన అనంతగిరి, అరకువేలి, డుంబ్రిగుడ, హుకుంపేట, పెదబయలు, ముంచంగిపుట్టు మండలాలు,  పాడేరు నియోజకవర్గానికి చెందిన పాడేరు, జి.మాడుగుల, గూడెంకొత్తవీధి, చిం...
Read more
-
Image
  (రాజన్ - జనహృదయం ప్రతినిధి) రంపచోడవరం : అల్లూరి సీతారామరాజు జిల్లాలో చేర్చిన రంపచోడవరం డివిజన్ పరిధిలోని ప్రజలకు ప్రభుత్వం ఊరట కల్పించింది.  జిల్లా కేంద్రం సుమారు 200 కిలోమీటర్ల దూరంలో ఉండడం వల్ల ప్రజలు ఎటువంటి ఇబ్బందులు ఎదుర్కోకుండా ఉన్నతాధికార యంత్రాంగం ఆ ప్రాంత ప్రజలకు ఊరట కల్పించింది.  జిల్లా కేంద్రం పాడేరు లో ఉండే జిల్లా కలెక్టర్ ప్రతి వారంలో రెండు రోజుల పాటు రంపచోడవరం డివిజన్ హెడ్ కోటర్ లో ఉండేవిధంగా గా ప్రభుత్వం ఆదేశాలు జారీ చేసింది. ఈ మేరకు అల్లూరి సీతారామరాజు జిల్లాకు సంబంధించిన జిల్లా యంత్రాంగం  వారంలో రెండు రోజుల పాటు రంపచోడవరం డివిజన్ ప్రాంత ప్రజలకు అందుబాటులో ఉండి సేవలు అందిస్తారని ప్రణాళిక శాఖ ముఖ్య కార్యదర్శి విజయ్ కుమార్ ఓ ప్రకటనలో తెలియజేశారు. దీంతో రంపచోడవరం డివిజన్ లోని ఎటపాక, కూనవరం, వార రామచంద్రపురం తో పాటు మారేడుమిల్లి. దేవిపట్నం, చింతూరు  తదితర ప్రాంతాల ప్రజలంతా జిల్లాకు సంబంధించిన పనులన్నిటికీ రంపచోడవరం లోనే జిల్లా యంత్రాంగాన్ని కలుసుకునే దిశగా చర్యలు చేపట్టనున్నారు.   వాస్తవానికి జిల్లా కేంద్రం పాడేరు లో ఉన్నప్పటికీ రంపచోడవర...
Read more