అధిక ఛార్జీలు వసూలు చేస్తే కఠిన చర్యలు

-


తాడేపల్లి: సంక్రాంతి పండుగ నేపథ్యంలో ప్రైవేట్‌ ట్రావెల్స్‌ అధిక ఛార్జీలు వసూలు చేస్తే కఠిన చర్యలు తప్పవని రవాణా, సమాచార శాఖ మంత్రి పేర్ని నాని హెచ్చరించారు. ప్రయాణికుల నుంచి అధిక ఛార్జీలు వసూలు చేస్తే 8309887955 వాట్సాప్‌ నంబర్‌కు ఫిర్యాదు చేయాలని ఆయన సూచించారు. మంత్రి పేర్ని నాని సోమవారం తాడేపల్లిలో వైఎస్సార్‌ సీపీ కార్యాలయంలో మీడియా సమావేశంలో మాట్లాడారు. రోజువారీ ఆర్టీసీ సర్వీసు ఒక్క పైసా కూడా పెంచలేదని, కేవలం స్పెషల్‌ సర్వీసుల్లో మాత్రమే 50 శాతం పెంచినట్లు తెలిపారు. మంత్రి మాట్లాడుతూ 'జనవరి 1 నుంచి ఆర్టీసీ ఉద్యోగులందరూ ప్రభుత్వ ఉద్యోగులు. చంద్రబాబు నాయుడు ఆర్టీసీ విలీనం అసాధ్యమన్నారు. ముఖ్యమంత్రి వైఎస్‌ జగన్‌ ఆర్టీసీని ప్రభుత్వంలో విలీనం చేసి చూపించారు. ఆర్టీసీపై ఇచ్చిన మాటను నిలబెట్టుకున్న ప్రజా నాయకుడు జగన్‌. సాహసోపేతమైన నిర్ణయాలు తీసుకున్న దమ్మున్న ముఖ్యమంత్రి జగన్‌' అని అన్నారు. 
జర్నలిస్ట్‌ యూనియన్లు ఏమైపోయాయి? : అలాగే జర్నలిస్టు యూనియన్లు తీరును మంత్రి పేర్ని నాని తప్పుబట్టారు. మీడియా ప్రతినిధులపై దాడి జరిగితే ఖండించకపోవడం సరికాదని అన్నారు. పత్రికా సమాజం, జర్నలిస్ట్‌ యూనియన్లు ఏం చేస్తున్నాయని ప్రశ్నించారు. అక్రిడేషన్‌ కార్డుల కోసం ఎగబడే జర్నలిస్ట్‌ యూనియన్లు మీడియా ప్రతినిధులపై దాడి జరిగితే ఏమైపోయాయని సూటిగా ప్రశ్నలు సంధించారు. దాడిలో గాయపడ్డ ఎన్టీవీ హరీష్‌, టీవీ9 దీప్తి, మహాటీవీ వసంత్‌కు ప్రభుత్వం అండగా ఉంటుందని మంత్రి హామీ ఇచ్చారు. జర్నలిస్టులను కొట్టినవారిని చంద్రబాబు, నారా లోకేష్‌ సమర్థించడం దారుణమన్నారు. కష్టం గురించి తెలిసినవాడు రైతు అని, నిజమైన రైతులు ఎవరి మీద దాడి చేయడానికి ప్రయత్నం చేయరన్నారు. రైతు ఆందోళన శాంతియుతంగా ఉంటుందని, ఆందోళన చేసినవారంతా ఎవరిచేత ప్రేరేపించబడ్డారో అందరికీ తెలుసు అని మంత్రి మండిపడ్డారు.


Comments

Post a Comment

Popular posts from this blog

కొత్త జిల్లాలను ప్రారంభించిన సీఎం జగన్‌

-
Image
ఏపీలో 13 నుండి  26 కు చేరిన జిల్లాల సంఖ్య  (రాజన్ - జనహృదయం ప్రతినిధి) అమరావతి:   ఏపీలో  కొత్తగా ఏర్పడిన 13 జిల్లాల ప్రారంభోత్సవాన్ని రాష్ట్ర ప్రభుత్వం అట్టహాసంగా నిర్వహించింది. సీఎం జగన్‌ అమరావతి నుంచి ఎలక్ట్రానిక్‌ బటన్‌ ద్వారా   కొత్త జిల్లాలను ప్రారంభించారు. అదే  సమయంలో   ఆయా జిల్లా కేంద్రాల్లో మంత్రులు, ఎంపీలు, ఎమ్మెల్యేలు, కొత్తగా నియమించిన జిల్లా కలెక్టర్లు, ఎస్పీలు ఈ ప్రారంభోత్సవ కార్యక్రమాల్లో పాల్గొని పరిపాలన ప్రజలకు చేరువ చేశారు. ఈ సందర్భంగా సీఎం వీడియో కాన్ఫరెన్స్ ద్వారా  మాట్లాడుతూ  రాష్ట్ర ప్రజలకు మంచి జరిగే గొప్ప శుభదినంగా సోమవారం నాటి ఈ కార్యక్రమాన్ని అభివర్ణించారు.  ఆంధ్ర ప్రదేశ్ 26 జిల్లాల రాష్ట్రంగా రూపుదిద్దుకోందని కొనియాడారు.. గతంలో  ఉన్న 13 జిల్లాల  పేర్లు, జిల్లా కేంద్రాలను అలాగే కొనసాగుతాయని,  పరిపాలనా సౌలభ్యం, వికేంద్రీకరణ అవసరం మేరకే కొత్త జిల్లాలను ఏర్పాటు చేశామని ప్రకటించారు. ప్రజలకు పరిపాలన మరింత చేరువ కావాలనే మార్పులు చేశామని . కలెక్టర్లకు అధికారంతో పాటుగా  ప్రజల పట్ల బాధ్యత పెర...
Read more

ఘనంగా ప్రారంభమైన అల్లూరి సీతారామరాజు జిల్లా

-
Image
  (రాజన్ - జనహృదయo ప్రతినిధి) పాడేరు :   విశాఖ, తూర్పు గోదావరి ఏజెన్సీ ప్రాంతాల కలయికతో ఏర్పడిన అల్లూరి సీతారామరాజు జిల్లా అట్టహాసంగా పాడేరు ప్రారంభం అయ్యింది.   నూతన జిల్లాలో భాగంగా పాడేరు కేంద్రంగా జగన్ సర్కార్ ప్రకటించిన అల్లూరి సీతారామరాజు జిల్లాను సోమవారం జిల్లా కలెక్టర్ సుమిత్ కుమార్ ప్రారంభించారు.  అట్టహాసంగా జరిగిన ఈ కార్యక్రమంలో గిరిజన ప్రాంతాలకు చెందిన ప్రజాప్రతినిధులంతా పాల్గొని నూతన కలెక్టర్ సుమిత్ కుమార్ కి స్వాగతం పలికారు.   పాడేరు, అరకువేలి, రంపచోడవరం నియోజకవర్గాల ఆధారంగా 22 మండలాలతో అల్లూరి సీతారామరాజు జిల్లా ఏర్పాటయింది. ఈ జిల్లా పరిధి 12. 251 చదరపు కిలోమీటర్లు విస్తరించి ఉంది.  ఇక ఈ జిల్లాలో జనాభా 9.7 54 లక్షల మంది నివసిస్తున్నారు.  మూడు అసెంబ్లీ సెగ్మెంట్ల పరిధిలో 2 రెవెన్యూ డివిజన్లు ఉన్నాయి.  వీటిలో ఇరవై రెండు మండలాలు ఈ జిల్లాలో చేర్చారు. అరకువేలి నియోజకవర్గానికి చెందిన అనంతగిరి, అరకువేలి, డుంబ్రిగుడ, హుకుంపేట, పెదబయలు, ముంచంగిపుట్టు మండలాలు,  పాడేరు నియోజకవర్గానికి చెందిన పాడేరు, జి.మాడుగుల, గూడెంకొత్తవీధి, చిం...
Read more
-
Image
  (రాజన్ - జనహృదయం ప్రతినిధి) రంపచోడవరం : అల్లూరి సీతారామరాజు జిల్లాలో చేర్చిన రంపచోడవరం డివిజన్ పరిధిలోని ప్రజలకు ప్రభుత్వం ఊరట కల్పించింది.  జిల్లా కేంద్రం సుమారు 200 కిలోమీటర్ల దూరంలో ఉండడం వల్ల ప్రజలు ఎటువంటి ఇబ్బందులు ఎదుర్కోకుండా ఉన్నతాధికార యంత్రాంగం ఆ ప్రాంత ప్రజలకు ఊరట కల్పించింది.  జిల్లా కేంద్రం పాడేరు లో ఉండే జిల్లా కలెక్టర్ ప్రతి వారంలో రెండు రోజుల పాటు రంపచోడవరం డివిజన్ హెడ్ కోటర్ లో ఉండేవిధంగా గా ప్రభుత్వం ఆదేశాలు జారీ చేసింది. ఈ మేరకు అల్లూరి సీతారామరాజు జిల్లాకు సంబంధించిన జిల్లా యంత్రాంగం  వారంలో రెండు రోజుల పాటు రంపచోడవరం డివిజన్ ప్రాంత ప్రజలకు అందుబాటులో ఉండి సేవలు అందిస్తారని ప్రణాళిక శాఖ ముఖ్య కార్యదర్శి విజయ్ కుమార్ ఓ ప్రకటనలో తెలియజేశారు. దీంతో రంపచోడవరం డివిజన్ లోని ఎటపాక, కూనవరం, వార రామచంద్రపురం తో పాటు మారేడుమిల్లి. దేవిపట్నం, చింతూరు  తదితర ప్రాంతాల ప్రజలంతా జిల్లాకు సంబంధించిన పనులన్నిటికీ రంపచోడవరం లోనే జిల్లా యంత్రాంగాన్ని కలుసుకునే దిశగా చర్యలు చేపట్టనున్నారు.   వాస్తవానికి జిల్లా కేంద్రం పాడేరు లో ఉన్నప్పటికీ రంపచోడవర...
Read more