పిఎసేల్వి సి 47 ప్రయోగం సక్సెస్....

శ్రీహరికోట : భారత అంతరిక్ష పరిశోధన సంస్థ ఇస్రో చేపట్టిన పీఎస్ఎల్‌వీ సీ 47 ప్రయోగం విజయ వంతమైంది. శ్రీ పొట్టి శ్రీరాములు నెల్లూరు జిల్లాలోని సతీశ్ ధవన్ స్పేస్ సెంటర్ షార్‌లోని రెండో ప్రయోగ వేదిక నుంచి ఈ ప్రయోగాన్ని ఉదయం 9.28 గంటలకు చేపట్టారు. అనంతరం వివిధ దశల్లో 26.50 నిమిషాల వ్యవధిలో 14 - ఉపగ్రహాలను నిర్దేశిత కక్ష్యలో ఇది ప్రవేశపెట్టింది. నిర్దేశిత కక్ష్యలోకి ఒక్కొక్కటిగా ఉపగ్రహాలు చేరాయి. పీఎస్ఎల్‌వీ సంకేతాలను అంటార్కి టకలోని ఇస్రో కేంద్రం అందుకుంది. పోలార్ శాటిలైట్ లాంచ్ వెహికల్సీ47 ప్రయోగానికి మంగళ వారం ఉదయం 7.28 గంటలకు కౌంట్ డౌన్ మొదలైంది. ఈ ప్రక్రియ 26 గంటల పాటు సాగింది.  ఈ ప్రయోగం ద్వారా కార్టోశాట్-3తో పాటు అమెరికాకు చెందిన 13 నానో పాటు అమెరికాకు చెందిన 13 నానో ఉపగ్రహాలను నింగిలోకి పంపారు.. మూడోతరం హైరిజల్యూషన్ ఎర్త్ ఇమేజింగ్ ఉపగ్రహం కార్టోశాట్-3. దీని జీవిత కాలం ఐదేళ్లని,  దీని బరువు సుమారు 1625 కిలోలు. పట్టణాభివృద్ధి ప్రణాళిక, గ్రామీణ వనరులకు సంబంధించిన సేవలను ఇది అందించనుంది. ఉగ్రవాద శిబిరాలను కార్టోశాట్-3 మరింత స్పష్టంగా తీయనుంది. ఈ  ప్రయోగం విజయంతమైన అనంతరం ఇస్రో ఛైర్మన్ శివన్ మాట్లాడుతూ  ఈ అద్భుత ప్రయోగంలో భాగస్వాములైన ప్రతి ఒక్కరికి అభినందనలు తెలిపారు. వచ్చే మార్చి వరకు 13 మిషన్లు ఉన్నాయని.. తమకు ఇప్పుడు చేతి నిండా పని ఉందని పేర్కొన్నారు. సందర్భానికి తగినట్లుగా సవాళ్లను ఎదుర్కొనేందుకు సిబ్బంది సిద్ధంగా ఉన్నారని తెలిపారు.